كل مرة أزور شرق اسيا احس اني رحت كوكب ثاني! يمكن لان الثقافة والشعب مختلف ولا اشوف عرب بكثرة زي أوروبا وأمريكا. وهذا بحد ذاته سبب كافي للزيارة، نشوف شي مختلف بهالعالم.
بس شرق اسيا مو للجميع وكل دولة فيها تناسب ذوق معين من السفر، في هالتدوينة بقارن الدول الي زرتها فيها واحاول اساعدكم تكتشفون الوجهة الي تناسبكم.
اليابان
الي يحب الرفاهيه والهدوء ويبي يشوف ثقافه جديده وبنفس الوقت اشياء عالمية تناسبه اليابان.. الاكل سهل متنوع المصادر وفيها احترام عالي للاديان والثقافات..
اندونيسيا
الي يحب الطبيعه والنشاطات والمنتجعات والشواطئ تناسبه بالي في اندونيسيا.. حلوه لعمر الشباب والرحلات الجماعيه! الدولة يميزها رخصها ويعيبها قل النظافه في الاكل وغيرها.
الصين
الي يحب الاكل والاستكشاف والصخب والاجواء الشعبيه (تشبه مصر) ويبحث عن البضائع الاسيوية الرخيصه بانواعها تناسبه الصين.. عيبها صعوبة التواصل مع الصينين وعدم الامانه
للتوضيح: البلد فيها تطور حضاري ومعماري كبير واماكن راقيه جدا! انا بس اتكلم عن المميز فيها عن غيرها من دول شرق اسيا
هونج كونج
هونج كونج (منطقه مستقلة داخل الصين) كانها قطعه من امريكا مختلفه الشعوب فيها ناس من كل انحاء العالم! محلاتها عالمية ويغلب عليها الاجواء السياحية بسبب ديزني لاند وغيرها
كوريا الجنوبية
الي يحب التسوق والفاشن والميك اب والتقهوي والروقان تناسبه كوريا وبالذات سول. اسواقها جميله ومميزه ومفتوحه على مدار ٢٤ ساعه.. المصممين الكوريين مبدعين وتلقون بضاعة باسعار معقوله. من اصعب دول شرق اسيا في الاكل بالنسبة للعرب والمسلمين لكن سمعت ان هالموضوع في تحسن موخرا.
ماليزيا
زيارتي لماليزيا قديمه واخاف اظلمها بالرأي لكن عموما الدوله مريحه جدا للمسلمين من نواحي كثير، اجواءها عائليه والطبيعه فيها جميله مره
سنغافورا
الي يحب الحضاره ويبي يشوف شرق اسيا بدون عائق اللغه تناسبه سنغافورا! الغالبيه هناك يتكلمون انجليزي والتطور في الدوله سريع ومبهر. مو كثير تناسب الاطفال
طبعا شرق اسيا تعتبر بعيده فاذا حصل ورحتو حاولو تزورون منطقتين على الاقل للتنويع واستغلال المشوار ??