أجدد وجهات بالي وأكثرها غرابة برأيي هي الأراجيح الضخمة المعلقة على أشجار النخيل الشاهقة الارتفاع ?. التأرجح بحد ذاته ممتع والصور الي بتلتقطونها لا تضاهى.

موقع اللعبة في منطقة أوبود، فيها ٤ أراجيح متفاوتة الارتفاع وكلها مطله على منظر طبيعة ساحر. مستوى اللعبة من سهل الى متوسط الصعوبة على حسب الارتفاع.

عند وقت زيارتي في سبتمبر ٢٠١٧ كانت تكلفة التذكرة الوحدة ٣٥ دولار (١٣٠ ريال تقريبا) وتمكنكم من ركوب كل الأراجيح بعدد مرات مفتوح. بتلقون في نفس موقع الفعالية بعد مجسمات على شكل عش عصافير حلوة تدخلونها للتصوير. العائق الوحيد كان الانتظار في طابور طويل بانتظار دورك لكل مرة سواءً بتلعبون أو بتصورون في مجسم. انا شخصيًا ما اشتريت أي تذكرة قبل وصولي لموقع اللعبة، كان سهل اخذ التذاكر من الكاونتر الي في المدخل مباشرة. لكن ما أضمن لكم يكون المكان بنفس الفضاوة وقت زيارتكم خصوصًا لو كنتم رايحين خلال الشهور السياحية الزحمة. فنصيحتي لكم على الاقل تتصلون عليهم يوم زيارتكم الصباح تتاكدون من مستوى الزحمة خلال الفترة والاجواء. أذكر ان كان فيه عروض لتذاكر مخفضة لاكثر من فعالية مثلا الأرجوحة مع ركوب الفيل أو الرافتنق للي حابين.

أخيرا، هذا موقع الفعالية للي يبي يعرف اكثر أو يحجز تذاكر لزيارته.

اتمنى لكم تجربة ممتعة!