من فتره ودي اجرب الغوص وكل مره اسافر للاسف ماتتيسر و ماتخيلت ان اول تجربة غوص لي بتكون في الشرقيه في الهاف مون ?
الرحلة كانت مع المدربه ديمه تجربة غوص للمبتدئين. الرحله كانت من ٩الى ٣ الغوص كان مدته تقريبا ساعتين بينهم بريك بقيمة ٥٠٠ ريال والسعر شامل سناك ومعدات الغوص وصور داخل البحر.
اول مابدينا مرينا على مركز خفر السواحل بالخبر حرس الحدود قريب جدا من منطقة الغوص سجلنا أسمائنا وأرقامنا ومدة الغوص واسم المدرب وعطيناهم بطاقاتنا الأحوال وخذنا تصريح غوص
منطقة الغوص جدا امنه وعباره عن متحف داخل البحر مسوينه الغواصين. فيه طياره وسيارة وبرج المملكة وأبراج الكويت وغيرها من القطع. وموجود ترك تاجر معدات غوص وغيرها من القطع. الرحلة كانت ممتعه واستمتعت مع ديمه وممكن اني اعيد التجربة في منطقه ثانيه مثل الجبيل لان البحر أصفى وفيه شعب مرجانيه.
ديمه مدربه معتمده وعندها مكتب بالخبر على شارع الامير تركي بكورنيش الخبر مقابل موفنبيك تسوي فيه دورات حصص وتدريب بالمسبح وبعدها البحر.
جدا متحمسه اسجل في الكورس ومبسوطه ان عندنا في الشرقيه
لمعلومات اكثر افتحوا انستقرام ديمه ومركز الغوص